ევროკავშირი მნიშვნელოვანი მოთამაშეა მსოფლიო არენაზე, რომელსაც  რეგიონალური და გლობალური უსაფრთხოების ინტერესები და ვალდებულებები გააჩნია. საერთო საგარეო პოლიტიკის მეშვეობით, ევროკავშირი ერთიან პოზიციას წარადგენს ძირითად საერთაშორისო საკითხებთან მიმართებაში.

ევროკავშირი არსებით როლს თამაშობს ახლო აღმოსავლეთის სამშვიდობო პროცესში, ირანთან დიპლომატიის საკითხში და დასავლეთ ბალკანეთში, მათ შორის კოსოვოში, სტაბილურობის განმტკიცებაში. მას გააჩნია ჯარი, პოლიცია და მოსამართლეები, რომლებიც ხელს უწყობენ სიცოცხლის შენარჩუნებას და კონფლიქტების შემდეგ  ქვეყნებისა და რეგიონების სტაბილიზაციას მთელს მსოფლიოში. ევროკავშირი უზრუნველყოფს დახმარებას სტიქიური უბედურებების შემდეგ საგანგებო მდგომარეობების დროს.

ევროკავშირის საერთო საგარეო და უსაფრთხოების პოლიტიკა (CFSP) მაასტრიხტის ხელშეკრულებით დაარსდა, რომელიც ძალაში 1993 წელს  შევიდა და შემდგომში დამატებით   გაძლიერდა  ისეთი დოკუმენტებით როგორიცაა ამსტერდამის ხელშეკრულება (1999), ნიცის ხელშეკრულება (2003) და ლისაბონის ხელშეკრულება (2009).

ევროკავშირის ღირებულებების, ფუნდამენტური ინტერესების, უსაფრთხოების, დამოუკიდებლობის და მთლიანობის დაცვას;

დემოკრატიის, კანონის უზენაესობის, ადამიანის უფლებების და საერთაშორისო სამართლის კონსოლიდაციას და მხარდაჭერას;

მშვიდობის შენარჩუნებას, კონფლიქტების პრევენციას და  საერთაშორისო უსაფრთხოების გაძლიერებას;

ბუნებრივი ან ადამიანის მიერ გამოწვეული კატასტროფების შედეგად დაზარალებული მოსახლეობის, ქვეყნებისა და რეგიონების დახმარებას.