31 იანვარს საქართველოში ბრიტანეთის ელჩის მოვალეობის შემსრულებელი ბ-ნი დევიდ მორანი ევროკავშირის სადამკვირვებლო მისიის ზუგდიდის რეგიონალური ოფისის წარმომადგენლებთან ერთად რუხის ხიდთან პატრულირებაზე გაემგზავრა. რუხის ხიდი აფხაზეთსა და თბილისის მიერ ადმინისტრირებულ ტერიტორიას შორის ერთადერთ ოფიციალურ გამშვებ პუნქტს წარმოადგენს. აქ ადმინისტრაციულ საზღვარს ორივე მიმართულებით ყოველდღე დაახლოებით 500 ადამიანი კვეთს. ელჩი მორანი ადმინისტრაციული საზღვრის გასწვრივ არსებული მდგომარეობის შესახებ, მათ შორის უსაფრთხოებისა და გადაადგილების თავისუფლების შესახებ, ობიექტურ ინფორმაციას გაეცნო.
