2017 წლის 31 მაისს გალში გაეროს თავმჯდომარეობით, ევროკავშირის სადამკვირვებლო მისიის მონაწილეობით ინციდენტების პრევენციისა და მათზე რეაგირების მექანიზმის ფარგლებში რიგით 46-ე შეხვედრა ჩატარდა.
შეხვედრაზე მონაწილეებმა წინა შეხვედრებზე განხილული რამდენიმე საკითხი დამატებით განიხილეს, მათ შორის ერთი წლის წინ, საქართველოს მოქალაქის მკვლელობა ყოფილი ხურჩის გადაკვეთის პუნქტზე. აფხაზმა მონაწილეებმა ინციდენტების პრევენციისა და მათზე რეაგირების მექანიზმის ფარგლებში შეხვედრის მონაწილეებს მიაწოდეს ინფორმაცია იმის შესახებ, რომ ეჭვმიტანილზე ბრალდება მოხსნილი იქნა.
სრული ერთწლიანი ინტენსიური მუშაობისა და საგამოძიებო მასალების ინციდენტების პრევენციისა და მათზე რეაგირების მექანიზმის ფარგლებში შეხვედრებზე გადაცემის შემდეგ, მართლმსაჯულების აღუსრულებლობა დიდი იმედგაცრუება იყო.
დისკუსიები ასევე შეეხო ადმინისტრაციულ საზღვართან დაკავებულთა ბოლოდროინდელ შემთხვევებს, და მიმდინარე ბორდერიზაციას, რომელიც გარკვეულ შემთხვევებში ადგილობრივ მოსახლეობას სასოფლო-სამეურნეო დანიშნულების მიწის ნაკვეთებზე წვდომილებას უზღუდავს.
განხილულ იქნა მარტში მიმდინარე ორი საკონტროლო გადაკვეთის პუნქტის დახურვა და მისი გავლენა ადგილობრივ მოსახლეობაზე.
შემდეგი ინციდენტების პრევენციისა და მათზე რეაგირების მექანიზმის ფარგლებში შეხვედრა გალში დაგეგმილია 2017 წლის 28 ივნისს.
