2017 წლის 5 დეკემბერს , ევროკავშირის სადამკვირვებლო მისიამ (EUMM) და საქართველოში ევროკავშირის წარმომადგენლობამ ჟურნალისტიკაში ევროკავშირის 2017 წლის პრიზით დაჯილდოების საზეიმო ცერემონია თბილისის საკონცერტო დარბაზში გამართა . კონკურსის სახელწოდებაა : " საქართველოში პროფესიული და ეთიკური ჟურნალისტიკის ხელშეწყობა 2012 წლიდან ".
ევროკავშირის პრიზი ჟურინალისტიკაში , რომელსაც საფუძველი 2012 წელს ევროკავშირის წარმომადგენლობამ ჩაუყარა , პირველი ასეთი ინიციატივაა საქართველოში , რომლის მიზანია ქართულ მედიაში ისეთი ჟურნალისტური ნაშრომების აღიარება , რომელიც ხელს უწყობს ევროკავშირის ღირებულებების უკეთ გაგებას , შესრულებულია პროფესიულ დონეზე და ჟურნალისტური ეთიკის მაღალი სტანდარტების დაცვით .
ევროკავშირის სადამკვირვებლო მისიის მშვიდობის ჟურნალისტიკაში სპეციალური პრიზი ერთ - ერთი უმნიშვნელოვანესი კატეგორიაა კონკურსში მინიჭებულ პრიზებს შორის . ეს არის ჯილდოს მინიჭების მეხუთე წელი . ტერმინი " მშვიდობის ჟურნალისტიკა " მოიცავს ჟურნალისტიკის საუკეთესო პრაქტიკას და ჯილდო გაიცემა საქართველოში შეიარაღებული კონფლიქტების კონტექსტში ნდობისა და მშვიდობის აღდგენის ხელშემწყობი კონფლიქტების მიმართ სენსიტიური საუკეთესო ჟურნალისტური ნაშრომისთვის .
ევროკავშირის სადამკვირვებლო მისია ცდილობს , ხელი შეუწყოს პროფესიულ ერთიანობას , სამართლიან , ეთიკურ , დაბალანსებული და მიუკერძოებელ გაშუქებას რეგიონში . ჯილდოს მინიჭებასთან დაკავშირებით ევროკავშირის სადამკვირვებლო მისიის პარტნიორია ომისა და მშვიდობის გაშუქების ინსტიტუტის წარმომადგენლობა თბილისში . ორივე ზედმიწევნით და დაუღალავად მუშაობს ამ მნიშვნელოვანი სტანდარტების მისაღწევად . წინა წლების გამარჯვებულები იყვნენ :
• 2013 -
ოლესია
ვართანიანი
;
• 2014 -
გოგიტა
აფციაური
;
• 2015 -
ნინო
ჩიფჩიური
;
• 2016 -
გვანცა
დოლუაშვილი
წლევანდელი გამარჯვებული არის ნინო გოგუა მისი ნაშრომით " ქართველები გალში - უცხოელები საკუთარ მიწაზე " (oc-media.org), რომელიც Open Caucasus Media- მ გამოაქვეყნა . მიღებული პრიზის ფარგლებში იგი ლონდონში ომისა და მშვიდობის გაშუქების ინსტიტუტის მთავარ ოფისში გამგზავრების საინტერესო შესაძლებლობას იღებს და ერთთვიან სტაჟირებას გაივლის . ეს არის პრესტიჟული ჯილდო სამომავლო პერსპექტივებით გამარჯვებულისთვის . სტაჟირებას ასევე შეუძლია კონფლიქტებთან და ხალხის ცხოვრებაზე მათი ზეგავლენის მიმართებაში ხედვა და თემატური ცნობიერება შეცვალოს .
გამარჯვებული ნინო გოგუა : " ამ პრიზისთვის მადლობა მინდა გადავუხადო ევროკავშირის სადამკვირვებლო მისიას / ომისა და მშვიდობის გაშუქების ინსტიტუტს და ჟიურის . ჩემთვის დიდი პატივია მშვიდობის ჟურნალისტიკაში პრიზის მიღება და ეს დიდი მოტივაციაა კონფლიქტის ზონიდან მუშაობის გასაგრძელებლად . ყველაფერს გავაკეთებ იმისათვის , რომ ეს სფერო ჩემი საქმიანობისთვის პრიორიტეტული იყოს ".
ევროკავშირის სადამკვირვებლო მისიის მოქმედი ხელმძღვანელის ბ - ნ ერიკ ჰოეგის თქმით , " კონფლიქტების მოგვარებისა და უწყვეტი დაძაბულობის პირობებში , ნდობის აღდგენა , როგორც ყოველთვის , უაღრესად მნიშვნელოვანია . დამოუკიდებელი , საგამოძიებო მედია საშუალებები ადმინისტრაციულ საზღვრების ორივე მხარეზე მყოფ საზოგადოებებს შორის დიალოგის პროცესის წინსვლისთვის აუცილებელია . დღეს ჯილდო გადაეცემა ბრწყინვალე ჟურნალისტს , რომელიც ასეთ დიალოგს ხელს უწყობს . ასეთი ჟურნალისტები გვეხმარებიან კონფლიქტის მხარეების დაკავშირებას მათი პროფესიული ერთიანობის , ეთიკური , სამართლიანი , დაბალანსებული და მიუკერძოებელი გაშუქების და კონფლიქტების მიმართ სენსიტიური ჟურნალისტური ნაშრომების საშუალებით ".
ევროკავშირის სადამკვირვებლო მისიის მშვიდობის ჟურნალისტიკაში სპეციალური პრიზის კონკურსის სხვა ფინალისტები იყვნენ მარიანა კოტოვა , ნინო ხარაძე და თამარ მეარაყიშვილი . თითოეულმა მიიღო " საპატიო აღნიშვნა ", რადგან მათი ნამუშევრები ძალიან მაღალ სტანდარტებს აკმაყოფილებდა . ჩვენ მათ შესანიშნავ ნამუშევრებს ვულოცავთ .
ევროკავშირის სადამკვირვებლო მისიის დაჯილდოების ცერემონიის შესახებ დამატებითი ინფორმაციისთვის იხილეთ ჩვენი Facebook გვერდი - facebook.com/eumm.geo.
ჟურნალისტიკაში ევროკავშირის პრიზის შესახებ დამატებითი ინფორმაციისთვის გაყევით ბმულს : http://www.euprizejournalism.eu/
ევროკავშირის
სადამკვირვებლო
მისიის
მოქმედი
ხელმძღვანელი
ბ
-
ნი
ერიკ
ჰოგი
დაჯილდოების
ცერემონიის
დაწყებამდე
ადგილობრივ
სატელევიზიო
არხებს
სპეციალური
პრიზის
შესახებ
ესაუბრება
წელს ჟიურის წევრები ელოდებიან მათ მიერ მოწონებული ავტორების დასახელებას
ევროკავშირის სადამკვირვებლო მისიის მოქმედი ხელმძღვანელი ბ - ნი ერიკ ჰოგი კონფლიქტების მიმართ სენსიტიური ჟურნალისტიკისა და საქართველოში კონფლიქტების კონტექსტში ნდობის აღდგენისა და მშვიდობის ხელშეწყობის მნიშვნელობაზე საუბრობს
ჟიურის წევრი და ევროკავშირის სადამკვირვებლო მისიის სპეციალური პრიზის 2014 წელს გამარჯვებული ბ - ნი გოგა აფციაური ერთ - ერთ ჯილდოს წარმოადგენს
Open Caucasus Media- ს თანადამფუძნებელი და რედაქტორი ბ - ნი დომინიკ ცაგარა გამარჯვებულის სახელით ჟიურის მადლობას უხდის
ამაყი გამარჯვებულები სამახსოვრო ჯგუფურ ფოტოს სიხარულით იღებენ
ევროკავშირის სადამკვირვებლო მისიის მოქმედი ხელმძღვანელი ბ - ნი ერიკ ჰოგი ცერემონიის დასრულების შემდეგ ტელეკომპანია " იმედს " ევროკავშირის სადამკვირვებლო მისიის სპეციალური პრიზის არსსა და მნიშვნელობაზე ესაუბრება
